ದಾವಣಗೆರೆ: ಹಿಂದೂ ಸಂಪ್ರದಾಯದಂತೆ ಭಾರತೀಯ ವೈದ್ಯೆಯನ್ನು ವರಿಸಿದ ನ್ಯೂಜಿಲೆಂಡ್ನ ಟೆಕ್ಕಿ
ದಾವಣಗೆರೆ: ನ್ಯೂಜಿಲೆಂಡ್ ಮೂಲದ ಸಾಫ್ಟ್ವೇರ್ ಇಂಜಿನಿಯರ್ ಒಬ್ಬರು ಚಿತ್ರದುರ್ಗ ಮೂಲದ ವೈದ್ಯೆ ಯುವತಿಯನ್ನು ಹಿಂದೂ ಸಂಪ್ರದಾಯದಂತೆ ವಿವಾಹವಾದ ಅಪರೂಪದ ಘಟನೆ ಡಿಸೆಂಬರ್ 24ರಂದು ದಾವಣಗೆರೆಯ ಅಪೂರ್ವ ರೆಸಾರ್ಟ್ನಲ್ಲಿ ನಡೆಯಿತು.
ನ್ಯೂಜಿಲೆಂಡ್ನ ಆಕ್ಲೆಂಡ್ ನಿವಾಸಿ ಸಾಫ್ಟ್ವೇರ್ ಇಂಜಿನಿಯರ್ ಕ್ಯಾಂಬೆಲ್ ವಿಲ್ವರ್ಥ್ ಹಾಗೂ ಚಿತ್ರದುರ್ಗ ಜಿಲ್ಲೆಯ ಚಳ್ಳಕೆರೆಯ ಮೂಲದ ನೇತ್ರ ವೈದ್ಯೆ ಡಾ. ಪೂಜಾ ನಾಗರಾಜ್ ಅವರ ವಿವಾಹವು ಸಂಪ್ರದಾಯಬದ್ಧ ಹಿಂದೂ ವಿಧಿ ವಿಧಾನಗಳೊಂದಿಗೆ ನೆರವೇರಿತು
ಆರಿಶಿಣ, ಧಾರೆ, ಶಾಸ್ತ್ರಗಳು, ಅರ್ಚನೆ, ಅರುಂಧತಿ ನಕ್ಷತ್ರ ದರ್ಶನ ಸೇರಿದಂತೆ ಎಲ್ಲಾ ಸಂಪ್ರದಾಯಗಳನ್ನು ಕಟ್ಟುನಿಟ್ಟಾಗಿ ಪಾಲಿಸಿ ಮದುವೆ ನಡೆದಿದೆ. ಎರಡೂ ಕುಟುಂಬದ ಸದಸ್ಯರು ಶೇರ್ವಾನಿ ಮತ್ತು ಸೀರೆ ಧರಿಸಿ ಸಂಭ್ರಮದಿಂದ ಮದುವೆಯಲ್ಲಿ ಭಾಗವಹಿಸಿದ್ದರು.
ಮದುವೆಗೆ ಒಂದು ವಾರದಿಂದಲೇ ಪೂರ್ವ ತಯಾರಿ ನಡೆದಿದ್ದು, ವಿದೇಶದಲ್ಲಿರುವ ಕುಟುಂಬ ಸದಸ್ಯರಿಗೆ ವೀಸಾ ವ್ಯವಸ್ಥೆಯನ್ನೂ ಮಾಡಲಾಗಿತ್ತು. ನ್ಯೂಜಿಲೆಂಡ್ನಲ್ಲಿ ನೆಲೆಸಿರುವ ಚಳ್ಳಕೆರೆಯ ಪಿ. ನಾಗರಾಜ್ ಮತ್ತು ರಾಣಿ ನಾಗರಾಜ್ ದಂಪತಿ ತಮ್ಮ ಮಗಳ ವಿವಾಹವನ್ನು ದಾವಣಗೆರೆಯಲ್ಲಿ ವಿಜೃಂಭಣೆಯಿಂದ ನೆರವೇರಿಸಿದರು.
ಡಾ. ಪೂಜಾ ಅವರ ತಂದೆ ನಾಗರಾಜ್ ಅವರು ಸಿವಿಲ್ ಇಂಜಿನಿಯರ್ ಆಗಿದ್ದು, 2005ರಲ್ಲಿ ನ್ಯೂಜಿಲೆಂಡ್ಗೆ ತೆರಳಿ ಅಲ್ಲಿ ನೆಲೆಸಿದ್ದರು. ಅಲ್ಲಿಯೇ ಪೂಜಾ ಮತ್ತು ಕ್ಯಾಂಬೆಲ್ ನಡುವೆ ಪರಿಚಯ ಬೆಳೆದು ಪ್ರೀತಿಗೆ ತಿರುಗಿತು. ಬಳಿಕ ಎರಡೂ ಕುಟುಂಬಗಳ ಒಪ್ಪಿಗೆಯೊಂದಿಗೆ ಹಿಂದೂ ಸಂಪ್ರದಾಯದಂತೆ ವಿವಾಹ ನಡೆಯಿತು.
ನ್ಯೂಜಿಲೆಂಡ್ನಲ್ಲಿ ಬೆಳೆದಿದ್ದರೂ ಭಾರತೀಯ ಸಂಸ್ಕೃತಿಯ ಬಗ್ಗೆ ಅಪಾರ ಗೌರವ ಹೊಂದಿರುವ ಕ್ಯಾಂಬೆಲ್ ವಿಲ್ವರ್ಥ್, ಹಿಂದೂ ಪದ್ಧತಿಯಂತೆ ಮದುವೆಯಾಗುವ ಆಸೆ ವ್ಯಕ್ತಪಡಿಸಿದ್ದರು. ಅದೇ ಕಾರಣಕ್ಕೆ ದಾವಣಗೆರೆಯಲ್ಲಿ ಸಪ್ತಪದಿ ತುಳಿದು ಸಂಪ್ರದಾಯಬದ್ಧವಾಗಿ ವಿವಾಹವಾದರು. ಈ ವೈಭವದ ಮದುವೆಗೆ ಕುಟುಂಬಸ್ಥರು, ಸ್ನೇಹಿತರು ಹಾಗೂ ಸ್ಥಳೀಯರು ಸಾಕ್ಷಿಯಾದರು.
ನ್ಯೂಜಿಲೆಂಡ್ನ ಸಾಫ್ಟ್ವೇರ್ ಇಂಜಿನಿಯರ್ ಕ್ಯಾಂಬೆಲ್ ವಿಲ್ವರ್ಥ್ ಅವರು ಚಿತ್ರದುರ್ಗ ಮೂಲದ ನೇತ್ರ ವೈದ್ಯೆ ಡಾ. ಪೂಜಾ ನಾಗರಾಜ್ ಅವರನ್ನು ಹಿಂದೂ ಸಂಪ್ರದಾಯದಂತೆ ವಿವಾಹವಾದ ಘಟನೆ ಡಿಸೆಂಬರ್ 24ರಂದು ದಾವಣಗೆರೆಯಲ್ಲಿ ನಡೆಯಿತು.
ದಾವಣಗೆರೆಯ ಅಪೂರ್ವ ರೆಸಾರ್ಟ್ನಲ್ಲಿ ನಡೆದ ಮದುವೆ ಆರಿಶಿಣ, ಧಾರೆ, ಶಾಸ್ತ್ರ, ಸಪ್ತಪದಿ ಸೇರಿದಂತೆ ಎಲ್ಲಾ ಸಂಪ್ರದಾಯಿಕ ವಿಧಿ ವಿಧಾನಗಳೊಂದಿಗೆ ನೆರವೇರಿತು. ಎರಡೂ ಕುಟುಂಬಗಳ ಸದಸ್ಯರು ಸಂಭ್ರಮದಿಂದ ಭಾಗವಹಿಸಿದ್ದರು.
ಡಾ. ಪೂಜಾ ಅವರ ತಂದೆ ನಾಗರಾಜ್ ಅವರು 2005ರಿಂದ ನ್ಯೂಜಿಲೆಂಡ್ನಲ್ಲಿ ನೆಲೆಸಿದ್ದು, ಅಲ್ಲಿಯೇ ಪೂಜಾ ಮತ್ತು ಕ್ಯಾಂಬೆಲ್ ಪರಿಚಯಗೊಂಡಿದ್ದರು. ಬಳಿಕ ಕುಟುಂಬಗಳ ಒಪ್ಪಿಗೆಯೊಂದಿಗೆ ಸಂಪ್ರದಾಯಬದ್ಧವಾಗಿ ವಿವಾಹ ನೆರವೇರಿತು.
ಭಾರತೀಯ ಸಂಸ್ಕೃತಿಗೆ ಗೌರವ ವ್ಯಕ್ತಪಡಿಸಿದ ಕ್ಯಾಂಬೆಲ್, ಹಿಂದೂ ಪದ್ಧತಿಯಂತೆ ಮದುವೆಯಾಗುವ ಆಸೆಯಿಂದ ದಾವಣಗೆರೆಯಲ್ಲಿ ವಿವಾಹ ನಡೆಸಿದರು.
